Fazail-e-Amaal Vol.1 Urdu in Roman Script with References (HB)

Alhamdulillah, “idara” ki hamesha yeh koshish rahi hai ke Deen ko seekhne sikhane mein Ummat ke liye jitni mumkin ho sake asaaniyan paida ki jayein, isilye Fazail-e-Amaal ko Urdu Roman Script mein pesh kiya ja raha hai, kyunki Ummat ki ek badi tadaad aisi hai jo urdu likhne-padhne se nawaaqif hai. Isliye unke liye yeh edition in sha’ Allah kaafi faidamand saabit hoga.

Iske ilaawah Ahl-e-ilm aur modern educated logon ke liye is baat ki zaroorat ka ehsaas bhi hone laga tha ke is kitaab mein maujood Ahadees aur urdu mein likhe buzurgon ke waaqiyaat ke references ka kaam hona chahiye, taake kisi ghalat-fahmi ki wajah se is aham-tareen kitaab se faida uthaane mein koi rukaawat na rahe. Alhamdulillah, “idara” ko Akaabir-e-Ummat khaas-taur se Akaabir-e-Tablighi Jamaat ke Mashwaron se is aham-tareen kitaab ko mukhtalif kutub ki madad se (jinki details publisher note mein de di gai hai) Complete References ke saath Ummat ke Saamne pesh karne ki Sa’adat haasil hui.